Os bosques de Galicia

Nas conversacións, cada vez que xorde o tema dos bosques en Galicia, aparecen os eucaliptos. Esas bestas vexetais, eses monstros que esnaquizan os bosques, non son árbores. E non digamos dos que os plantan, insensibles, só pensan no diñeiro, se deixasen o monte como estaba, van acabar con todo.

O bo do asunto é que todos teñen razón, os que están a favor e os que están en contra. O que ten un monte, que non vale nada, ou que si que vale, quererá sacarlle beneficio, e se pode ser máis pronto que tarde mellor.

Existen unha chea de razóns a favor do eucalipto e de quen os planta, cada un atopa as súas. Da mesma forma os que están en contra, tamén, atópanas.

O que non ten discusión é que a superficie plantada de eucalipto cada vez é maior, en detrimento de as especies autóctonas e, por exemplo, o piñeiro. Vese polo monte talas de piñeiro que replantáronse de eucalipto. Hai noticias que falan de superficie duplicada nos últimos 15 anos, iso e moita superficie.

Antes limitábase á zona da costa, por iso de que o eucaliptos non soportaban as xeadas. Pero coa implantación do “Eucalitus nitens” que soporta moito mellor o frío e as pragas estase a expandir ao resto de Galicia. Nestes últimos anos están a aparecer manchas en Becerrea, Navia de Suarna, etc. O de Lugo xa hai tempo que o traspasaron. É cuestión de tempo que invadan o resto de Galicia.

O problema é tal que en Asturias un tribunal ditou sentencia en contra do “nitens”:

http://www.ecoticias.com/naturaleza/107703/tribunal-confirma-eucalyptus-peligroso-biodiversidad-Asturias.

Nos, en Galicia, estamos a espera, coma sempre.

Aquí quen ten que tomar cartas no asunto é a administración cunha serie de actuacións para impedir os desmáns que actualmente existen. Pero resulta que é todo o contrario o ano pasado no DOG saíu unha lei publicando axudas para o fomento da silvicultura en bosques do medio rural. Isto é unha noticia moi boa, pero ten o seu aquel. Resulta que se subvenciona o piñeiro, frondosas, soutos de castiñeiros e, ao mesmo nivel, os mesmos diñeiros, que os demais, o eucalipto. No canto de potenciar as plantacións autóctonas, tamén se potencia o eucalipto.

Agora é o momento de soltar as preguntas: ¿Quen ten a culpa de que en Galicia haxa cada vez máis eucaliptos?. ¿A quen beneficia que se planten eucaliptos? Aí déixoas.

A continuación deixo o enlace a o DOG e un pequeno resumo.

http://www.xunta.es/dog/Publicados/2014/20141002/AnuncioG0165-290914-0001_gl.pdf